FFTL realiza kongresu ekstraordinariu 2020
Federasaun Futebol Timor-Leste realiza kongresu ekstra-ordináriu hodi aprova akta kongresu ordináriu FFTL ba da-lima ne’ebé hala’o tiha ona iha fulan Fevereiru tinan 2020.
Kongresu Ekstraordinariu ne’ebé realiza iha loron Sabádu 12 Dezembru 2020 ne’e, halibur membru asosiadu sira sanulu-resin hitu ne’ebé eziste iha kada munisipiu.
Iha Kongresu, FFTL mós relata ezekusaun orsamentál tinan 2019 no mós relata relatóriu auditóriu ba kongresista sira hodi hetan aprovasaun.
Tuir relatóriu, FFTL durante ne’e hetan finansiamentu ba nia programa sira husi Asian Football Federation, Asean Football Confederation no Federation Internationale de Football Association.