FFTL Fasilita Formasaun Treinador Futsal

“Responsabilidade ne’e iha ita boot sira [partisipantes], FFTL oferese de’it oportunidade ba ita-boot sira hodi dezenvolve futsal.”  Nelio Isaac Sarmento, sekretariu-jeral FFTL. 

Nelio afirma iha abertura Futsal Basic Coaching, ne’ebé halibur partisipante nain16, iha Xanana Sport Center, Dili, horisehik, katak FFTL nia papel la’ós atu konstrui infraestrutura futebol sira maibé atu jere no promove atividade futebol.

FFTL koopera nafatin ho entidade hotu hodi dezenvolve infraestrutura futebol, infelizmente laiha kondisaun di’ak hodi realiza atividade futebol sira, maibé tenke iha vontade nafatin atu dezenvolve atividade futebol, no ne’e rekere mós responsabilidade treinador nian.

FFTL oferese formasaun báziku ida-ne’e ho objetivu atu dezenvolve futsal hahu husi nivel baze, no formasaun ba treinador futsal ne’e realiza ba dahuluk. Formador Krishna Gopal, husi Asian Football Confederation, mak fó formasaun ba partisipante sira. Formasaun inklui sesaun teórika no prátika.

Nelio mós apela ba partisipante sira atu kumpri nafatin protokolu prevensaun Covid-19, nune’e bele hakotu lalais korente transmisaun pandemia atu futebol la’os normal filafali. Kontinua uza máskara no fase-liman! Sira ne’ebé seidauk vasina kontinua hakbesik-an ba postu vasinasaun hodi simu vasina.

Futebol tenke forte. Hamutuk ita kombate virus Corona!